Safe

Hiä im Forum wird di ganz Zit über Heumä und iri Normä diskutiert. Ig fändis aber eingläch o wichtig we mä di ganzi Sach vorem Sturz/Crash aluegt.

Ig ha ir letstä zit zimlächi Diskussionä vo wägä Sicherheit gha (isch öppä o wägem Vorfau mit dr Schmier).
Was am meistä us denä Diskussionä hervorcho isch, isch das mä eim bim Downhillä so guet wi nid gseht (vorauem schwarzi Kombis).

Ig ha no mitem Ädu über das diskutiert und fougendes isch usächo:

[IMG][/IMG]

[IMG][/IMG]

Ig weiss zwar nid öb das ä grossä Ungerschid macht, aber äs gseht o optisch us aus wöumä gse wärdä, was sicher o sicherer ufd outofahrer würkt. Macht o ke Ungerschid bim Fahrä.(usserdäm passt mir d Chindergrössi vo denä Westä grad wi aagossä )

Was hautet dir drvo? gschid oder überflüssig?

z nacht esches sicher sehr sinnvoll e lüchtweste mit reflektore und nach möglichkeit es wisses liecht vore und es rots liecht hinne ufem helm z ha...de tag dur weiss i nid wie vell sinn ds macht(liecht macht sicher ke sinn, lüchtweste chönnt ev. no en vorteil si gägenüber eifach nur schwarzer kombi...aber i ha jo mini lüchtgrüeni kombi, de machts ke unterschied)...we d allerdings uf aerodynamik us besch de esch sone lüchtweste kacke, die wird zumene richtige sägel...alternative: grossi reflektore ufs läder nähe...

__________________
memento moriendum esse

Macht scho ä zimlächä ungerschid ufmä schwärzä Kombi. Aerodynamisch machts nüt us, ig ha ä chindergrössi kouft und diä isch super aaligend, vo däm här spiuts ke rouä.

aso i fings eidläch no ä guäti ide. gad das ufäm heum gseht rächt guät us u isch zudäm no nützläch abr d warnwestä weisi jetzt nid öbsi fiäu nüzt. gad ir speedposi isch ja ä rächt grossä teil vrdeckt....

__________________
survive, skateboarding in hell sucks

Hmmmmmm... d Sicherheit wo mier so diskutierad isch eher uf dia gsperrta streckina bezoga... aber so an paraglyderhelm wo mit 45km/h uf wisa teschtat wird wird uf offener stross au nid sicherer... Warnwesta sind schu bim töffahra a diskussion... leged si nur aa, de lüchtad er au schön hinder am busch füra wenn er vo da schmier abseckla wend... ;-) und was isch das für a uussag: "Aerodynamisch machts nüt us, ig ha ä chindergrössi kouft und diä isch super aaligend, vo däm här spiuts ke rouä." ?!? aerodynamisch go freerida?!? oder autos uf da Rennstrecki?!? Sometimes people here are WEIIIIRD.... Was i zur Sicherheit z säga han:

1. Helmmässig schützt eu nur an Moppedhelm schlau. Alles andera isch nit unbedingt Schrott, aber ier wüssad ersch das ier an schrotthelm kauft hend wenns z spoot isch... Stärcher als d Norm baua döf ma, wird teilwiis au gmacht, d Norm git aber s SICHERHEITSMINIMUM aa... wiavill drüber s isch weiss niemer so gnau. Moppeddeckel het scho a gnuag höchi mindestnorm, also chama sicher sii das verhebt.

2. Kei Uusrüschtig vo da Wält ersetzt eucha Chopf... vorusschauand fahra, Sichtwiiti, Fahrkönna, halt au mol als zweita una aacho, au wenn ma mit ma riskanta überholmanöver no hett chönna füra... Drfür läbt ma de länger...

3. Egal wia guat er fahrand, egal wia gmüatlich da Hügel isch woner cruisand, egal wia sicher ier eu fühland, i bi danäbat gstanda wo an kolleg a simpli startrampa abagfahra isch und am as redli vom brett gheit isch und sin Helm mit ma Grüsch woni nia vergessa werda uf am Betonboda uufgschlaga isch. Egal wia tüür euchi Achsa, egal wia neu eui Redli und lager, es git kei garantie das as nit abkackt.

4. Da rescht vom Körper isch mit ma töffleder mit protektora, ma ruggapanzer und ma crashpant, slidehändscha und schua wo über d chnöchel gönd eigentli ok gschützt... Chnochabrüch und schürfiga wachsad ir regla wider zemma, und früaner oder spöter skatat ma wider...

5. begegniga mit AUTOS sind meischt ungsund, au wenn ma sich korrekt verhaltat (Gell Clemens) drumm siehe punkt 2 au unter dr aanahm das sich Autofahrer nit so verhaltad wia ier sött...

__________________
join me and come cruise some BOWL!!! msn & e-mail: nopain@nobrain.ch tel. +417 64 64 64 55

Dieser Beitrag wurde schon 1 mal editiert, zum letzten mal von milkman am 28.04.2009 12:18.

Erschgrad hets ä spannendi Diskussion zwüschäm Raphi Longoni und äm Martin Siegrist gä. I derä Disskusion ischs um Heumä gangä (wär häts dänkt). Am Raphi isches drum gangä, dass är ä sichererä Heum möcht aus ä Paraglyding Heum.

Zitat Martin:
"Also, zusammenfassend gesagt, kaufst du dir wohl am besten einen MTB-Helm, z.B. einen Bell Drop oder sixsixone Evolution."

Är het diä Heumä usgwäut, da ä MTB-DH Heum ä guetä Kompromiss zwüschä Paragliding-Töffheum isch, wemä äs Visier drufchläbt. Diä 2 Modäu hei übrigens o wenig Lüftigslöcher, was vor auem Aerodynamisch ä Vorteil bringt.

Ig bi no chli ufd Suächi gangä nach mä passendä Heum und bi uf dä hiä gstossä:

Kali Mantra Helm

Het öpper schomau öppis vo däm Teil ghört? Gseht mirä Meinig nach sehr bruchbar us.

Naja.. i chan eigentli au nur de Bell Drop empfähle...

... macht vo mir us gseh en sehr sichere iidruck, isch schön liech, s Sichtfeld chönt nid besser sii...

Hiä no di offizieui Website:

Official Website Kali Mantra Helmet

Ig ha immer ä besseri Meinig vo däm Heum. Är isch Töffprüäft , het verschliessbari Lüftigslöcher und gset guet us.

Momentan bini mir fasch sicher dasi mi neu Heum gfundä ha. Z einzigä womi no würd wundernä isch z Gwicht

wifiäu wosch für ds visier vo dim aute heum?

__________________
survive, skateboarding in hell sucks

Dieser Beitrag wurde schon 1 mal editiert, zum letzten mal von mrc am 14.06.2010 23:28.

@Marc: Das bruchi däich fürä neu Heum

@Aui: Müglächerwiis wird am Mantra z Sichtfäud zum verhängnis wärdä. Hanä its mit äs paarnä anderä gneuer verglichä und gmerkt, dass mä müglecherwiis z weni gseht. Ig ganä süsch de mau no ga aprobierä. Befürchtä aber fasch das z Sichtfäud o bi däm z chli isch. Schad! :-(

ig ha ne Marushin X-moto. s sichtfäud isch sehr guet und mi dünkt er vom gwicht agnähm (me gwöhnt sech jo ou dra..). er isch eifach riesig. erinneret biz a sciencefiction^^ derfür gits schliessendi visier, verschide starch gspieglet. RS-MX und XMR carve xe ufe erscht blick no easy us..

__________________
Erfahrung heisst gar nichts. Man kann seine Sache auch jahrzentelang falsch machen.

Dieser Beitrag wurde schon 2 mal editiert, zum letzten mal von dav1d am 15.06.2010 00:13.

Zitat:

Original von beatfriedNaja.. i chan eigentli au nur de Bell Drop empfähle...... macht vo mir us gseh en sehr sichere iidruck, isch schön liech, s Sichtfeld chönt nid besser sii...

Isch äuä z Bestä. Dr Mantra het tatsächläch äs z chlises Sichtfäud. Ha its no Fotos gfundä wosi dr Heum ufem Gring hei (isch rächt lang gangä bisi sones Foti gfundä ha) u da gsesch würkläch z weni. Mist!

Min persönlicha Favorit:

allerdings chli tüür...

__________________
join me and come cruise some BOWL!!! msn & e-mail: nopain@nobrain.ch tel. +417 64 64 64 55